Novas novas

Estaba eu falando polo Tuenti chat cando me surxiu unha dúbida lingüística. Así que dixen, vou mirar no dicionario de galego de Internet (http://www.digalego.com), o cal levo usando dende hai tempo.
Cal é a miña sorpresa cando vexo que ao buscar a palabra aparece un cadro que me pide que me debo rexistrar. Non me preocupa, o dicionario úsoo moito (por que son filóloga..jeje) e dame igual estar rexistrada nesa páxina. Total, que ao iniciar sesión e todo iso vexo que, debaixo do meu nome de usuaria, aparece: "licencia ata 30-10-2010, adquirir máis licencia."
É dicir, que agora hai que pagar por usar o dicionario. Pois é o que me faltaba. Queren facer á xente analfabeta. Que será o próximo? Poñer os buscadores, como por exemplo Google, de pago?
Paréceme moi ben que intenten recaudar cartos, pero...na miña humilde opinión, non creo que a maioría das persoas que usaban esa páxina paguen por facelo. Non si?

...

Deixando ese tema a parte, ultimamente non me pasa nada divertido. O último que me pasou foi que, xusto cando acabei de preparar unha pizza para meter no forno, a Iván caéuselle un bote de azucre donde a tiña posta. Só tiven que cortar un cachiño, pero foi divertido. É unha pena que non teña foto.

Ola.